TOP NEWS| കർണാടകയിൽ പാസ്റ്ററെയും ഭാര്യയെയും ഇരുമ്പ് ചങ്ങലകളും മരത്തടികളും കൊണ്ട് ക്രൂരമായി ആക്രമിച്ച് സുവിശേഷവിരോധികൾ
കർണാടകയിൽ പാസ്റ്ററെയും ഭാര്യയെയും ഇരുമ്പ് ചങ്ങലകളും മരത്തടികളും കൊണ്ട് ക്രൂരമായി ആക്രമിച്ച് സുവിശേഷവിരോധികൾ; ആശുപത്രിയിൽ
ദൊഡ്ഡഹസ്സല: ജൂലൈ 28 ന്, പാസ്റ്ററെയും ഭാര്യയെയും ഇരുമ്പ് ചെയിനും മരത്തടികളും ഉപയോഗിച്ച്, ഒരു സംഘം ക്രൂരമായി ആക്രമിച്ചതായി ഇന്റർനാഷണൽ ക്രിസ്ത്യൻ കൺസേൺ(ICC) റിപ്പോർട്ട്‌ ചെയുന്നു.
ഇന്ത്യയിലെ കർണാടക സംസ്ഥാനത്താണ് ആക്രമണം നടന്നത്, പാസ്റ്ററെ അബോധാവസ്ഥയിലാക്കി, തുടർന്ന് അദ്ദേഹത്തെ അടിയന്തിര ചികിത്സയ്ക്കായി ആശുപത്രിയിൽ എത്തിച്ചു.
പാസ്റ്റർ ഷലേം മണിരാജും ഭാര്യയും ജൂലൈ 28 -ന് രോഗിയായ തന്റെ സഭയിലെ വിശ്വസിക്കായി പ്രാർത്ഥിക്കാൻ ദൊഡ്ഡഹസ്സല ഗ്രാമത്തിലേക്ക് യാത്ര പുറപ്പെട്ടിരുന്നു. ദമ്പതികൾ അവരുടെ വീട്ടിലെത്തിയപ്പോൾ, 20 ഓളം പേർ അവരെ വളഞ്ഞു. അവർ മോശമായ ഭാഷയിൽ അധിക്ഷേപിക്കുകയും ആളുകളെ ക്രിസ്ത്യൻ വിശ്വാസത്തിലേക്ക് പരിവർത്തനം ചെയ്തുവെന്ന് ആരോപിക്കുകയും ചെയ്തു.
അപകടം മനസിലാക്കിയ പാസ്റ്റർ മണിരാജും ഭാര്യയും ഉടൻ ഗ്രാമം വിട്ടുപോകാൻ തീരുമാനിച്ചു. എന്നാൽ ഗ്രാമത്തിൽ നിന്ന് പുറത്തേക്ക് പോകുമ്പോൾ അവർ അവരെ ആക്രമിച്ചു. പാസ്റ്റർ മണിരാജിനെ ഇരുമ്പ് ചെയിനും മരത്തടികളും ഉപയോഗിച്ച് അബോധാവസ്ഥയിലാക്കുന്നതുവരെ അവർ അടിച്ചു. പാസ്റ്റർ മണിരാജിന്റെ ഭാര്യയെ ആൾക്കൂട്ടം മർദ്ദിക്കുകയും ഭർത്താവിനെ രക്ഷിക്കാൻ ശ്രമിക്കുകയും ചെയ്തു.
ആക്രമണം തുടർന്നപ്പോൾ, അതുവഴി കടന്നുപോയ ഒരാൾ തന്റെ വാഹനം നിർത്തി പാസ്റ്റർ മണിരാജിനെയും ഭാര്യയെയും രക്ഷിക്കുകയായിരുന്നു. ഈ വ്യക്തി ഇരുവരെയും അടിയന്തിര ചികിത്സയ്ക്കായി അടുത്തുള്ള ആശുപത്രിയിൽ എത്തിച്ചുവെന്ന് ഐസിസി റിപ്പോർട്ട്‌.
