യുഎഇയിൽ രണ്ട് ഡോസ് വാക്‌സിൻ സ്വീകരിച്ചവർക്കു പ്രവേശനം അനുവദിക്കും.

ഇന്ത്യയിൽ നിന്ന് ദുബൈയിലേക്ക് വരാൻ നിയന്ത്രണങ്ങൾ പ്രഖ്യാപിച്ചു. ജൂൺ 23 മുതലാണ് പുതിയ നിയന്ത്രണങ്ങൾ നിലവിൽ വരിക. യു എ ഇ അംഗീകരിച്ച രണ്ട് ഡോസ് വാക്സിൻ സ്വീകരിച്ച റെസിഡന്റ് വിസക്കാർക്ക്  ദുബൈയിലേക്ക് വരാം. 48 മണിക്കൂർ മുമ്പ് എടുത്ത പി സി ആർ പരിശോധനയുടെ സർട്ടിഫിക്കറ്റ് വേണം. വിമാനം പുറപ്പെടുന്നതിന് നാല് മണിക്കൂർ മുമ്പ് റാപ്പിഡ് പി സി ആർ ടെസ്റ്റ് നടത്തണം. ദുബൈയിലെത്തിയാൽ വിമാനത്താവളത്തിൽ വീണ്ടും പി സി ആർ പരിശോധന നടത്തണം. ഇതിന്റെ ഫലം വരുന്നത് വരെ ഇൻസ്റ്റിറ്റ്യൂഷണൽ ക്വാറന്റയിനിൽ കഴിയണം. ഇന്ത്യക്കാർക്ക് നിലവിലുള്ള യാത്രാവിലക്ക് പിൻവലിക്കുന്നതിന് മുന്നോടിയായാണ് പുതിയ മാനദണ്ഡങ്ങൾ എന്നാണ് സൂചന. റസിഡണ്ട് വിസയിൽ ഇന്ത്യയിൽ നിന്നും എത്തുന്നവർക്കുള്ള നിയന്ത്രണങ്ങളാണ് ഇപ്പോൾ പ്രഖ്യാപിച്ചിരിക്കുന്നത്