ബംഗ്ലാദേശിലെ തൊഴിൽ സംവരണ പ്രക്ഷോഭം ; മരണം 32 ആയി
ധാക്ക: ബംഗ്ലാദേശിൽ തൊഴിൽ സംവരണത്തിനെതിരെ വിദ്യാർത്ഥികളുടെ നേതൃത്വത്തിൽ ആരംഭിച്ച ദേശീയ പ്രക്ഷോഭം രൂക്ഷമാകുന്നു. ഏറ്റുമുട്ടലുകളിൽ ഒരാഴ്ചയ്ക്കിടെ കൊല്ലപ്പെട്ടവരുടെ എണ്ണം 32 ആയി. ഇന്നലെ മാത്രം 25 പേർ കൊല്ലപ്പെട്ടു. 500ലേറെ പേർക്ക് പരിക്കേറ്റു. നൂറുകണക്കിന് വാഹനങ്ങളും സ്ഥാപനങ്ങളും തകർക്കപ്പെട്ടു.1971ലെ ബംഗ്ലാദേശ് വിമോചന യുദ്ധത്തിൽ പങ്കെടുത്തവരുടെ കുടുംബത്തിൽപ്പെട്ടവർക്ക് സർക്കാർ ജോലിയിൽ ഏർപ്പെടുത്തിയിട്ടുള്ള 30 ശതമാനം സംവരണം റദ്ദാക്കണമെന്നാവശ്യപ്പെട്ടാണ് പ്രക്ഷോഭം. തൊഴിലില്ലായ്മ രൂക്ഷമായ രാജ്യത്ത് സംവരണം കൂടുതൽ ബാധിക്കുമെന്നും മെറ്റിറ്റ് അടിസ്ഥാനത്തിൽ നിയമനം നടത്തണമെന്നും യുവജന സംഘടനകൾ ആവശ്യപ്പെടുന്നു.കല്ലുകളും വടികളുമായി ആയിരക്കണക്കിന് വിദ്യാർത്ഥികൾ ഇന്നലെ തലസ്ഥാനമായ ധാക്കയിൽ പൊലീസുമായി ഏറ്റുമുട്ടി.
