അനേകം യാത്രക്കാർക്ക് ആശ്രയമായ അന്ത്യോദയ എക്‌സ്‌പ്രസ് ട്രെയിൻ പത്ത് ദിവസത്തേയ്ക്ക് റദ്ദാക്കിയതായി ദക്ഷിണ റെയിൽവേ.
ചെന്നൈ: കേരളത്തിൽ നിന്നുൾപ്പെടെ അനേകം യാത്രക്കാർക്ക് ആശ്രയമായ അന്ത്യോദയ എക്‌സ്‌പ്രസ് ട്രെയിൻ പത്ത് ദിവസത്തേയ്ക്ക് റദ്ദാക്കിയതായി ദക്ഷിണ റെയിൽവേ. താംബരത്തിനും നാഗർകോവിലിനുമിടയിൽ ഓടുന്ന ട്രെയിനാണ് റദ്ദാക്കിയത്. പാത വികസനപ്രവർത്തനങ്ങൾ നടക്കുന്നതിനാൽ സർവീസ് നിർത്തുന്നുവെന്നാണ് റെയിൽവേയുടെ വിശദീകരണം. ഇന്നുമുതൽ ജൂലായ് 31വരെയാണ് ട്രെയിൻ റദ്ദാക്കിയത്. ഈ കാലയളവിൽ താംബരത്തുനിന്ന് വൈകിട്ട് 7.30ന് പുറപ്പെടുന്ന അന്ത്യോദയ എക്‌സ്‌പ്രസ് ജൂലായ് 24,28,29, 31 തീയതികളിൽ ചെന്നൈ എഗ്മോറിൽ നിന്ന് വൈകിട്ട് ഏഴ് മണിക്ക് പുറപ്പെടും. നാഗർകോവിലിൽ നിന്ന് താംബരത്തേയ്ക്കുള്ള ട്രെയിൻ ചെന്നൈ വൈകിട്ട് 4.30ന് എഗ്മോറിലും എത്തിച്ചേരും.
