കേരളത്തില്‍ താമസിക്കുന്നവര്‍ക്ക് ഏത് ആര്‍ടി ഓഫീസിലും വാഹനം രജിസ്റ്റര്‍ ചെയ്യാം: ഹൈക്കോടതി
തിരുവനന്തപുരം ജില്ലയിലെ കിയ ഓട്ടോമോട്ടീവ് മാനുഫാക്‌ചേഴ്‌സ് പ്രൈവറ്റ് ലിമിറ്റഡില്‍നിന്നു വാങ്ങിയ കിയ സോണെറ്റ് കാറാണ് ഹര്‍ജിക്കാരൻ ആറ്റിങ്ങലില്‍ രജിസ്റ്റര്‍ ചെയ്യാന്‍ ശ്രമിച്ചത്. ആറ്റിങ്ങൽ ആര്‍ടിഒ അദ്ദേഹത്തിന് താത്കാലിക രജിസ്‌ട്രേഷന്‍ സര്‍ട്ടിഫിക്കറ്റ് നല്‍കി. റോഡ് ഗതാഗത, ഹൈവേ മന്ത്രാലയത്തിന്‍റെ നേതൃത്വത്തില്‍ പരിവാഹന്‍ ഓണ്‍ലൈന്‍ പോര്‍ട്ടല്‍ നടത്തിയ ഫാന്‍സി നമ്പറുകള്‍ക്കായുള്ള ഓണ്‍ലൈന്‍ ലേലത്തിലാണ് ഹര്ജിക്കാരന് പങ്കെടുത്തത്.
കാറിന് 3,500 രൂപയ്ക്ക് ഫാന്‍സി രജിസ്‌ട്രേഷന്‍ നമ്പറും ഉറപ്പിച്ചു. തുടര്‍ന്ന് ആറ്റിങ്ങൽ ആര്‍ടിഒയെ സമീപിച്ചപ്പോള്‍ രജിസ്‌ട്രേഷനായി കഴക്കൂട്ടം ആര്‍ടിഒയെ സമീപിക്കണമെന്ന് അറിയിച്ചു. ആറ്റിങ്ങല്‍ ആര്‍ടിഒയുടെ അധികാരപരിധിയില്‍ ഹര്ജിക്കാരന് താമസമോ ജോലിയോ ഇല്ലെന്നു വ്യക്തമാക്കിയിരുന്നു. 2019ലെ മോട്ടോര്‍ വെഹിക്കിള്‍സ് (ഭേദഗതി) നിയമത്തിന്‍റെ 40-ാം വകുപ്പ് പ്രകാരം വ്യക്തി താമസിക്കുന്നതോ ബിസിനസ് സ്ഥലമോ ഉള്ളിടത്തെ ‘സംസ്ഥാനത്തെ ഏതെങ്കിലും രജിസ്‌ട്രേഷന്‍ അഥോറിറ്റിക്ക്’മോട്ടോര്‍ വാഹനങ്ങള്‍ രജിസ്റ്റര്‍ ചെയ്യാവുന്നതാണെന്ന് ഹര്ജിക്കാരന് വാദിച്ചു.
