ശ്രീലങ്കയില് വന് നാശം വിതച്ച് ഡിറ്റ് വാ ചുഴലിക്കാറ്റ്. വെള്ളപ്പൊക്കത്തിലും മണ്ണിടിച്ചിലിലും മരിച്ചവരുടെ എണ്ണം 56 ആയി
കൊളംബോ: ശ്രീലങ്കയില് വന് നാശം വിതച്ച് ഡിറ്റ് വാ ചുഴലിക്കാറ്റ്. വെള്ളപ്പൊക്കത്തിലും മണ്ണിടിച്ചിലിലും മരിച്ചവരുടെ എണ്ണം 56 ആയി. കനത്ത മഴയെ തുടര്ന്ന് രാജ്യത്തെ എല്ലാ സര്ക്കാര് ഓഫീസുകളും സ്കൂളുകളും അടച്ചു. രണ്ട് ദിവസമായി രാജ്യത്ത് വീശിയടിച്ച കാറ്റില് 23 പേരെ ഇനിയും കണ്ടെത്താനുണ്ട്.
Related Posts
കൊളംബോയില് നിന്ന് 300 കിലോമീറ്റര് കിഴക്കായി സ്ഥിതി ചെയ്യുന്ന ബദുള്ള, നുവാര ഏലിയ എന്നിവിടങ്ങളിലെ തേയിലത്തോട്ടം മേഖലയില് 25 ല് അധികം പേര് മരിച്ചതായാണ് വിവരം. 23 പേരെ കാണാതായെന്നും 14 പേര്ക്ക് പരിക്കേറ്റതായും ദുരന്ത നിവാരണ കേന്ദ്രം അറിയിച്ചു. നദികളിലെ ജലനിരപ്പ് ഉയര്ന്നുകൊണ്ടിരിക്കുകയാണ്. താഴ്ന്ന പ്രദേശങ്ങളിലെ താമസക്കാര് ഉയര്ന്ന പ്രദേശങ്ങളിലേക്ക് മാറണമെന്ന് അധികൃതര് മുന്നറിയിപ്പ് നല്കി
