TOP NEWS| ഒരാൾക്ക് കോവിഡ്; രാജ്യം മുഴുവൻ ലോക്ക്ഡൗൺ പ്രഖ്യാപിച്ച് ന്യൂസിലാന്റ്

ഒരാൾക്ക് കോവിഡ്; രാജ്യം മുഴുവൻ ലോക്ക്ഡൗൺ പ്രഖ്യാപിച്ച് ന്യൂസിലാന്റ്

രാജ്യത്ത് ഒരാൾക്ക് കോവിഡ് 19 പോസിറ്റീവ് സ്ഥിരീകരിച്ചതിനെ തുടർന്ന് ന്യൂസിലാന്റിൽ ലോക്ക്ഡൗൺ പ്രഖ്യാപിച്ചു. സ്ഥിരീകരിച്ചത് വ്യാപനശേഷിയുള്ള ഡെൽറ്റ വകഭേദമാണെന്നാണ് അനുമാനമെന്നും സൂക്ഷ്മപരിശോധന നടത്തിവരികയാണെന്നും മൂന്നു ദിവസത്തെ ലെവൽ നാല് ലോക്ക്ഡൗൺ പ്രഖ്യാപിച്ചു കൊണ്ട് പ്രധാനമന്ത്രി ജസിന്ത ആർഡേൻ പറഞ്ഞു.

ന്യൂസിലാന്റിലെ വലിയ നഗരമായ ഓക്ക്‌ലാന്റിലാണ് വാക്‌സിൻ സ്വീകരിക്കാത്ത 58 വയസ്സുള്ള പുരുഷന് കോവിഡ് സ്ഥിരീകരിച്ചത്. ഇയാൾ രാജ്യത്തിന്റെ വിവിധ ഭാഗങ്ങളിൽ സഞ്ചരിച്ചിരുന്നുവെന്നും അതിർത്തി പ്രദേശങ്ങളിൽ പോയിരുന്നുവെന്നും ആരോഗ്യ ഡയറക്ടർ ജനറൽ ആഷ്‌ലി ബ്ലുംഫീൽഡ് പറഞ്ഞു. ഓക്ക്‌ലാന്റും ഇയാൾ യാത്ര ചെയ്ത കൊറമണ്ഡൽ ഉപദ്വീപും ഒരാഴ്ചത്തേക്ക് ലെവൽ നാല് ലോക്ക്ഡൗണിലായിരിക്കും.