സര്‍ക്കാര്‍ സേവനങ്ങള്‍ ഇനി എളുപ്പത്തില്‍ ലഭ്യമാകും; ജില്ലാ കലക്ടര്‍
കൊല്ലം: സര്‍ക്കാരില്‍ നിന്ന് ലഭിക്കുന്ന സേവനങ്ങള്‍ അതിവേഗത്തിലാക്കാന്‍ നടപടിക്രമങ്ങള്‍ പരമാവധി ലഘൂകരിച്ചെന്ന് ജില്ലാ കലക്ടര്‍ അഫ്സാന പര്‍വീണ്‍. രേഖകള്‍ സ്വയം സാക്ഷ്യപ്പെടുത്തിയാല്‍ മതിയാകും. ബിസിനസിനും വാണിജ്യ ആവശ്യത്തിനുമൊഴികെ അപേക്ഷാ ഫീസ് ഒഴിവാക്കി. ഫോമുകള്‍ ലളിതമാക്കി കഴയുന്നതും ഒരു പേജിലേക്ക് ചുരുക്കി.
Related Posts
ഒരു സര്‍ട്ടിഫിക്കറ്റ് വിവിധ ആവശ്യങ്ങള്‍ക്ക് ഉപയോഗിക്കാം, അതിന്റെ കാലയളവ് ഏറ്റവും കുറഞ്ഞത് ഒരു വര്‍ഷമായിരിക്കും. നേറ്റിവിറ്റി സര്‍ട്ടിഫിക്കറ്റനായി കേരളത്തില്‍ ജനിച്ചവര്‍ക്ക് ജനന സര്‍ട്ടിഫിക്കറ്റോ കേരളത്തിലെ വിദ്യാഭ്യാസ സ്ഥാപനത്തില്‍ അഞ്ച് വര്‍ഷം പഠിച്ചതിന്റെ രേഖയോ മതിയാകും. കേരളത്തിന് പുറത്ത് ജനിച്ചവര്‍ക്ക് വില്ലേജ് ഓഫീസറുടെ സാക്ഷ്യപത്രം അനിവാര്യം. ഓണ്‍ലൈനായി അപേക്ഷിച്ച് അഞ്ച് ദിവസത്തിനുള്ളില്‍ ലഭിക്കും വിധമാണ് പുതിയ ക്രമീകരണം.
