കനത്ത ചൂട്; ജോലി സമയത്തിൽ നിയന്ത്രണം ഏർപ്പെടുത്തി യുഎഇ

സൂര്യതാപത്തിൽ നിന്ന് രക്ഷ നേടാൻ ജോലി സമയത്തിൽ നിയന്ത്രണം ഏർപ്പെടുത്തി യുഎഇ. രാജ്യത്തെ പ്രോജക്ട്, കൺസ്ട്രക്ഷൻ മേഖലയിലെ തൊഴിലാളികൾക്കാണ് സമയക്രമം ഏർപ്പെടുത്തിയിരിക്കുന്നത്. യുഎ ഇയിൽ ഉച്ച കഴിഞ്ഞുള്ള ജോലി നിരോധനം ജൂൺ 15 ന് ആരംഭിക്കും. തുടർച്ചയായി 18-ാം വർഷമാണ് രാജ്യത്ത് ഇത്തരത്തിലുള്ള സമയക്രമം നടപ്പാക്കുന്നത്. തൊഴിലാളികൾക്ക് ഉച്ചയ്ക്ക് 12.30 മുതൽ 3 മണി വരെ വിശ്രമം ലഭിക്കും. ഈ സമയത്ത് 50 ഡിഗ്രി സെൽഷ്യസ് വരെ താപനില ഉയരും.