കേരളത്തിലെ ഭൂമിയുടെ നികുതി വിദേശത്തിരുന്ന് പ്രവാസികൾക്കു ഓൺലൈനായി അടയ്ക്കാൻ പ്ലാറ്റ്ഫോം തയാറാകുന്നു.
തിരുവനന്തപുരം ∙ പ്രവാസികൾക്കു കേരളത്തിലെ ഭൂമിയുടെ നികുതി വിദേശത്തിരുന്ന് ഓൺലൈനായി അടയ്ക്കാൻ പ്ലാറ്റ്ഫോം തയാറാകുന്നു. യുകെ, യുഎസ്എ, കാനഡ, സിംഗപ്പൂർ, സൗദി, യുഎഇ, ഒമാൻ, ഖത്തർ, കുവൈത്ത്, ബഹ്റൈൻ എന്നീ 10 രാജ്യങ്ങളിലുള്ളവർക്ക് ആദ്യഘട്ടത്തിൽ ഓൺലൈൻ പേയ്മെന്റ് നടത്താൻ കഴിയും. നൂറുദിന കർമദിന പരിപാടി കഴിയുന്നതോടെ പ്ലാറ്റ്ഫോം നിലവിൽ വരും. റവന്യു വകുപ്പിലെ അഴിമതിയുമായി ബന്ധപ്പെട്ട പരാതി മന്ത്രിക്കു നേരിട്ട് ഓൺലൈനായി നൽകാനും ആപ് തയാറാക്കും. പേരു വെളിപ്പെടുത്താതെയും സംരക്ഷണം ഉറപ്പാക്കിയും നടപടിയെടുക്കുമെന്ന് മന്ത്രി കെ.രാജൻ നിയമസഭയിൽ പറഞ്ഞു.
