റിയാദില്‍ കോവിഡ് ബാധിച്ച്‌ മരിച്ച എറണാകുളം സ്വദേശിയുടെ മൃതദേഹം സംസ്കരിച്ചു
റിയാദ്: കോവിഡ് ബാധിച്ച്‌ മരിച്ച മലയാളിയുടെ മൃതദേഹം റിയാദിന് സമീപം സംസ്കരിച്ചു. എറണാകുളം നോര്‍ത്ത് പറവൂര്‍ പെരുമ്ബടന്ന സ്വദേശി കളത്തില്‍ ചന്ദ്രെന്‍റയും പ്രേമയുടെയും മകന്‍ ബിനോയ് ചന്ദ്രെന്‍റ (50) മൃതദേഹമാണ് റിയാദില്‍ നിന്നും 240 കിലോമീറ്റര്‍ അകലെ ദവാദ്മിയില്‍ സംസ്കരിച്ചത്.
25 വര്‍ഷത്തിലേറെയായി സൗദിയില്‍ പ്രവാസിയായ ബിനോയ് ചന്ദ്രന്‍ സ്വന്തമായി ബിസിനസ് നടത്തുകയായിരുന്നു. അല്‍മറായി തുടങ്ങിയ കമ്ബനികളിലും ജോലി ചെയ്തിട്ടുണ്ട്. ഭാര്യ ലേഖ, വിദ്യാര്‍ഥികളായിരുന്ന ആദിത്യ, അഭിമന്യു, ആരാധ്യ എന്നിവരോടൊപ്പം കുടുംബസമേതം റിയാദിലായിരുന്നു താമസിച്ചിരുന്നത്.
കോവിഡ് ബാധിച്ചതിനെ തുടര്‍ന്ന് ആശുപത്രിയില്‍ പ്രവേശിപ്പിച്ച്‌ ആവശ്യമായ ചികിത്സ ലഭ്യമാക്കിയെങ്കിലും ജീവന്‍ രക്ഷിക്കാനായില്ല. കോവിഡ് മാനദണ്ഡങ്ങള്‍ അനുസരിച്ച്‌ മൃതദേഹം സംസ്കരിക്കാന്‍ കാലതാമസം നേരിടുമെന്നതിനാല്‍ റിയാദിലുള്ള കുടുംബത്തെ നാട്ടില്‍ അയക്കുന്നതും വൈകുമെന്ന് മനസിലാക്കി സാമൂഹിക പ്രവര്‍ത്തകര്‍ സൗദി അധികൃതരില്‍ നിന്നും പ്രത്യേക അനുമതി കരസ്ഥമാക്കിയാണ് മൃതദേഹം സംസ്കരിച്ചത്.
കേളി കേന്ദ്ര ജീവകാരുണ്യ വിഭാഗത്തിെന്‍റ നേതൃത്വത്തില്‍ ദവാദ്മി ഏരിയ ജീവകാരുണ്യ വിഭാഗമാണ് മൃതദേഹം സംസ്കരിക്കാനുള്ള നടപടികള്‍ വേഗത്തിലാക്കിയത്. സംസ്കാര ചടങ്ങില്‍ കേളി ജീവകാരുണ്യ പ്രവര്‍ത്തകരും മറ്റു സാമൂഹിക പ്രവര്‍ത്തകരും സംബന്ധിച്ചു.
