ദുബൈ പൊലീസുകാര്‍ക്ക് അന്താരാഷ്ട്ര വിരലടയാള വിദഗ്ധരായി അംഗീകാരം
ദുബൈ: രണ്ട് ദുബൈ പൊലീസ് ഉദ്യോഗസ്ഥര്‍ക്ക് അന്താരാഷ്ട്ര വിരലടയാള വിദഗ്ധരായി അംഗീകാരം. യു.എസിലെ ഇന്‍റര്‍നാഷനല്‍ അസോസിയേഷന്‍ ഓഫ് ഐഡന്‍റിഫിക്കേഷന്‍ (ഐ.എ.ഐ) എന്ന സംഘടനയാണ് ക്യാപ്റ്റന്‍ മുഹമ്മദ് അഹമ്മദ് അല്‍ സുവൈദി, ഫസ്റ്റ് ലഫ്. അബ്ദുറഹ്മാന്‍ അല്‍ മുഹൈരി എന്നിവര്‍ക്ക് അന്താരാഷ്ട്ര നിലവാരമുള്ള പരിശോധകരായി അംഗീകാരം നല്‍കിയത്.
ഫോറന്‍സിക് വിരലടയാള വിശകലനത്തില്‍ പ്രശസ്തമായ സര്‍ട്ടിഫിക്കേഷന്‍ അറബ് മേഖലയില്‍ ആദ്യമായാണ് ലഭിക്കുന്നത്. ലോകമെമ്ബാടുമുള്ള കേസുകള്‍ പരിഹരിക്കുന്നതില്‍ പങ്കെടുക്കാനും ഫോറന്‍സിക് വിരലടയാള വിശകലനത്തില്‍ അന്താരാഷ്ട്ര കോടതികള്‍ക്ക് മുമ്ബാകെ സാക്ഷിപറയാനും ഈ അംഗീകാരം ഒാഫിസര്‍മാരെ പ്രാപ്തരാക്കും.
ലോകത്തെ ഏറ്റവും വലിയ ഫോറന്‍സിക് ഓര്‍ഗനൈസേഷനാണ് ഐ.എ.ഐ. ആറായിരത്തിലേറെ അംഗങ്ങളാണ് നിലവില്‍ കൂട്ടായ്മയുടെ ഭാഗമായുള്ളത്.
