എല്ലാ ഡോക്ടര്‍മാര്‍ക്കും യു.എ.ഇയുടെ 10 വര്‍ഷ ഗോള്‍ഡന്‍ വിസ അനുവദിക്കുന്നു.
ദുബൈ: എല്ലാ ഡോക്ടര്‍മാര്‍ക്കും യു.എ.ഇയുടെ 10 വര്‍ഷ ഗോള്‍ഡന്‍ വിസ അനുവദിക്കുന്നു. യു.എ.ഇ ഹെല്‍ത്ത് റെഗുലേറ്ററി വകുപ്പിെന്‍റ ലൈസന്‍സുള്ള എല്ലാ ഡോക്ടര്‍മാര്‍ക്കും കുടുംബത്തിനും ഈ മാസം മുതല്‍ 2022 സെപ്റ്റംബര്‍ വരെ അപേക്ഷിക്കാമെന്ന് അധികൃതര്‍ അറിയിച്ചു.
ആരോഗ്യമേഖലയിലെ സേവനങ്ങളും ത്യാഗവും മുന്‍നിര്‍ത്തിയാണ് സര്‍ക്കാര്‍ ഡോക്ടര്‍മാരെ പ്രത്യേകം പരിഗണിച്ചത്. smartservices.ica.gov.ae എന്ന വെബ്സൈറ്റ് വഴിയാണ് അപേക്ഷിക്കേണ്ടത്. ദുബൈ ലൈസന്‍സുള്ള ഡോക്ടര്‍മാര്‍ക്ക് smart.gdrfad.gov.ae എന്ന വെബ്സൈറ്റിലൂടെ അപേക്ഷിക്കാം. ബന്ധപ്പെട്ട വകുപ്പുകള്‍ അപേക്ഷ പരിശോധിച്ച്‌ യോഗ്യരായവര്‍ക്ക് വിസ അനുവദിക്കും.
അപേക്ഷ സ്വീകരിക്കാന്‍ ഫെഡറല്‍ അതോറിറ്റി ഫോര്‍ ഐഡന്‍റിറ്റി ആന്‍ഡ് സിറ്റിസണ്‍ഷിപ് രാജ്യത്ത് ഏഴ് കേന്ദ്രങ്ങള്‍ ആരംഭിക്കും. യു.എ.ഇ വൈസ് പ്രസിഡന്‍റും പ്രധാനമന്ത്രിയും ദുബൈ ഭരണാധികാരിയുമായ ശൈഖ് മുഹമ്മദ് ബിന്‍ റാശിദ് ആല്‍ മക്തൂമിെന്‍റ ഉത്തരവിെന്‍റ ഭാഗമായാണ് നടപടി. മെഡിക്കല്‍ രംഗത്തെ വിദഗ്ധര്‍ യു.എ.ഇയില്‍ തുടരാന്‍ ഇത് കാരണമാകും. കൂടുതല്‍ ആരോഗ്യ വിദഗ്ധരെ രാജ്യത്തേക്ക് ആകര്‍ഷിക്കാനും സഹായകമാകും. കോവിഡ് തുടങ്ങിയശേഷം യു.എ.ഇയിലെ നിരവധി ഡോക്ടര്‍മാര്‍ക്ക് ഗോള്‍ഡന്‍ വിസ ലഭിച്ചിട്ടുണ്ട്.
