സൗദി കിരീടാവകാശി ദോഹയില്‍, അമീറുമായുള്ള ചര്‍ച്ച നാളെ
Related Posts
ഔദ്യോഗിക സന്ദര്‍ശനാര്‍ത്ഥം സൌദി കിരീടാവകാശിയും പ്രതിരോധ മന്ത്രിയുമായ മുഹമ്മദ് ബിന്‍ സല്മാന് ഖത്തറിലെത്തി. ഖത്തര്‍ അമീര്‍ ശൈഖ് തമീം ബിന്‍ ഹമദ് അല്‍ത്താനി, ഡെപ്യൂട്ടി അമീര്‍ എന്നിവര്‍ ചേര്‍ന്ന് ദോഹ വിമാനത്താവളത്തില്‍ മുഹമ്മദ് ബിന്‍ സല്‍മാനെ സ്വീകരിച്ചു. തുടര്‍ന്ന് അമീരി ദിവാനിലെത്തിയ സൌദി കിരീടാവകാശി അമീറുമായും ഖത്തര്‍ ഭരണരംഗത്തെ ഉന്നതരുമായും കൂടിക്കാഴ്ച്ച നടത്തി. ഡെപ്യൂട്ടി അമീര്‍ ശൈഖ് അബ്ദുള്ള ബിന്‍ ഹമദ് അല്‍ത്താനി, അമീറിന്‍റെ സഹോദരനും പേഴ്സണല്‍ പ്രതിനിധിയുമായ ശൈഖ് ജാസിം ബിന്‍ ഹമദ് അല്‍ത്താനി തുടങ്ങിയവരും കൂടിക്കാഴ്ച്ചയില്‍ സംബന്ധിച്ചു. അമീരി ദിവാനില്‍ മുഹമ്മദ് ബിന്‍ സല്മാന് അമീര്‍ അത്താഴ വിരുന്നൊരുക്കും.
