​ശ്രദ്ധിക്കുക; ഈ പാസ്പോർട്ട്​ സേവന കേന്ദ്രങ്ങളിലേക്ക്​ ഇന്ന്​ മുതൽ പോകേണ്ട

ദുബൈ: യുഎഇയിലെ ഇന്ത്യൻ പാസ്​പോർട്ട്​-വിസ സേവന കേന്ദ്രങ്ങളിൽ നാലെണ്ണം ഇന്ന്​ മുതൽ പ്രവർത്തിക്കില്ല. മുസഫ, അൽ റീം, ദുബായ് ഇൻവെസ്റ്റ്മെന്‍റ്​ പാർക്ക്-1, ഷാർജ അൽ മജാസ് എന്നിവിടങ്ങളിലെ സേവന കേ​ന്ദ്രങ്ങൾ ഇന്ന്​ മുതൽ പ്രവർത്തിക്കില്ലെന്ന്​ ഇന്ത്യൻ എംബസിയാണ്​ അറിയിച്ചത്​. ആകെ 16 പാസ്​പോർട്ട്​- വിസ ​സേവന ​കേന്ദ്രങ്ങളാണ്​ യുഎഇയിൽ ഉണ്ടായിരുന്നത്​. നാലെണ്ണം നിർത്തിയതോടെ സേവന കേന്ദ്രങ്ങളുടെ എണ്ണം 12 ആയി കുറഞ്ഞു. പാസ്പോർട്ട്, വിസ, സാക്ഷ്യപ്പെടുത്തൽ സേവനങ്ങൾ ‘അൽ ഹിന്ദ് ടൂർസ് ആൻഡ് ട്രാവൽസിന്’ ഔട്ട്സോഴ്സ് ചെയ്തതുമുതൽ എമിറേറ്റുകളിലായി ആകെ 16 കേന്ദ്രങ്ങളാണ് പ്രവർത്തിച്ചിരുന്നത്.