കുവൈത്തിലെത്തിയ സൗദി കിരീടാവകാശിക്ക് രാജകീയ വരവേൽപ്പ്

റിയാദിൽ നടക്കാനിരിക്കുന്ന ഗൾഫ് സഹകരണ കൗൺസിൽ ഉച്ചകോടിക്ക് മുന്നോടിയായാണ് സൗദി കിരീടാവകാശിയുടെ സന്ദർശനം. യുഎഇ, ഒമാൻ, ഖത്തർ, ബഹ്റൈൻ എന്നിവിടങ്ങളിൽ പര്യടനം പൂർത്തിയാക്കിയ ശേഷമാണു മുഹമ്മദ് ബിൻ സൽമാൻ രാജകുമാരൻ വെള്ളിയാഴ്ച വൈകീട്ട് കുവൈത്തിൽ എത്തിയത്. കുവൈത്ത് ഡെപ്യൂട്ടി അമീറും കിരീടാവകാശിയുമായ ശൈഖ് മിഷ്അൽ അൽ അഹമ്മദ് അസ്വബാഹ്, പ്രധാനമന്ത്രി ശൈഖ് സബാഹ് ഖാലിദ് അൽ ഹമദ് അസ്സബാഹ്, തുടങ്ങിയ മുതിർന്ന രാഷ്ട്ര നേതാക്കൾ വിമാനത്താവളത്തിലെത്തി സൗദി രാജകുമാരനെ വരവേറ്റു. തുടർന്ന് ബയാൻ പാലസിൽ ഭരണ നേതൃത്വം കൂടിക്കാഴ്ച നടത്തി.