ഒമിക്രോൺ; അടിയന്തര യോഗം വിളിച്ച് ഡൽഹി സർക്കാർ

ഒമിക്രോൺ പശ്ചാത്തലത്തിൽ ഡൽഹി സർക്കാർ വിളിച്ച അടിയന്തര യോഗം ഇന്ന്. ദുരന്ത നിവാരണ അതോറിറ്റി അംഗങ്ങളും ആരോഗ്യമന്ത്രി സത്യേന്ദ്ര ജയിനും യോഗത്തിൽ പങ്കെടുക്കും. ഒമിക്രോൺ അതിവേഗം വ്യാപിക്കുന്നതിനാൽ മുൻകരുതൽ നടപടികൾ യോഗത്തിൽ ചർച്ചയാകും. എൽ. എൻ.ജെ.പി ആശുപത്രിക്ക് പുറമെ നാല് സ്വകാര്യ ആശുപത്രികൾ കൂടി ഒമിക്രോൺ ചികിത്സാകേന്ദ്രമാക്കി ഡൽഹി സർക്കാർ പ്രഖ്യാപിച്ചിട്ടുണ്ട്. നിലവിൽ 22 പേർക്കാണ് രോഗബാധ. രാജ്യത്ത് 120 ന് മുകളിലാണ് ഒമിക്രോൺ കേസുകൾ.മഹാരാഷ്ട്രയിലാണ് കൂടുതൽ രോഗികൾ.