സൗദിയിൽ ചെറുകിട സ്ഥാപനങ്ങളുടെ അടച്ചു പൂട്ടൽ, പിഴ കുറച്ചത് പ്രതിസന്ധി കുറക്കാനെന്ന് തൊഴിൽ മന്ത്രാലയം

ചെറുകിട സംരംഭകർ സ്ഥാപനങ്ങൾ അടച്ചുപൂട്ടാതിരിക്കാൻ പരമാവധി ശ്രമിക്കുന്നതായി സൗദി തൊഴിൽ മന്ത്രാലയ വക്താവ്. ഇതിന്റെ ഭാഗമായാണ് പിഴ സംഖ്യ കുറച്ചത്. സ്വകാര്യ മേഖലയെ സഹായിക്കാനായി പുതിയ ബജറ്റിലും പദ്ധതികളുണ്ട്. സ്വദേശിവത്കരണം തുടരുമെന്നും അദ്ദേഹം വ്യക്തമാക്കി. ജീവനക്കാരുടെ എണ്ണത്തിനനുസരിച്ച് സ്ഥാപനങ്ങളെ മൂന്നായി തരംതിരിച്ച് പിഴ ഈടാക്കുന്ന രീതി കഴിഞ്ഞ ദിവസം തുടങ്ങിയിരുന്നു. ചെറുകിട സ്ഥാപനങ്ങൾ പിഴ കാരണം പ്രയാസപ്പെടുന്ന സാഹചര്യത്തിലായിരുന്നു ഇത്. ചെറുകിട സംരംഭകർ തൊഴിൽ വിപണി വിടുന്നത് തടയാൻ പരമാവധി പ്രവർത്തിക്കുന്നുണ്ടെന്ന് മാനവ വിഭവശേഷി സാമൂഹിക വികസന മന്ത്രാലയത്തിന്റെ ഔദ്യോഗിക വക്താവ് സഅദ് ആൽ ഹമാദ് അൽ ഹമദ് പറഞ്ഞു.