അബുദാബിയിലെ ഹൂതി ആക്രമണം; കൊല്ലപ്പെട്ട ഇന്ത്യക്കാരുടെ മൃതദേഹം ഉടൻ നാട്ടിലെത്തിക്കും

അബുദാബിയിലെ ഹൂതി ആക്രമണത്തിൽ കൊല്ലപ്പെട്ട രണ്ട് ഇന്ത്യക്കാരുടെ മൃതദേഹം ഉടൻ നാട്ടിലെത്തിക്കും. കൊല്ലപ്പെട്ട ഇരുവരെയും തിരിച്ചറിഞ്ഞതായി ഇന്ത്യൻ എംബസി അറിയിച്ചു. എന്നാൽ ഇവരുടെ പേരു വിവരങ്ങൾ ഇതുവരെ പുറത്തു വിട്ടിട്ടില്ല. കൊല്ലപ്പെട്ടവരുടെ നാട്ടിലുള്ള ബന്ധുക്കളെ വിവരം അറിയിച്ചതായും എത്രയും പെട്ടെന്ന് മൃതദേഹം കൊണ്ടപോകാനുള്ള ഒരുക്കങ്ങൾ പൂർത്തീകരിച്ചതായും ഇന്ത്യൻ എംബസി അറിയിച്ചു. അതേ സമയം ആക്രമണത്തിൽ പരിക്കേറ്റ രണ്ട് ഇന്ത്യക്കാർ ആശുപത്രി വിട്ടതായും ഇന്ത്യൻ എംബസി വ്യക്തമാക്കി.