കുവൈത്തിൽ മൂന്നു മാസ കാലാവധിയുള്ള ടൂറിസ്റ്റ് വിസ പുനരാരംഭിക്കുന്നു

കുവൈത്തിൽ മൂന്നു മാസ കാലാവധിയുള്ള ടൂറിസ്റ്റ് വിസ പുനരാരംഭിക്കുന്നു . സഇത് സംബന്ധിച്ച് താമസകാര്യ വകുപ്പ് ബന്ധപ്പെട്ട കാര്യാലയങ്ങൾക്ക് നിർദേശം നൽകിയതായി ആഭ്യന്തരമന്ത്രാലയത്തിലെ പൊതുജനസമ്പർക്ക വിഭാഗം അറിയിച്ചു . രാജ്യത്ത് കോവിഡ് സാഹചര്യം മെച്ചപ്പെട്ടതോടെയാണ് മൂന്നുമാസം കാലാവധിയുള്ള വിസ പുനരാരംഭിക്കാൻ അധികൃതർ തീരുമാനിച്ചത്. സ്‌കൂൾ അവധികാലത്ത് കുടുംബത്തെ കൊണ്ടുവരാൻ ആഗ്രഹിച്ചിരുന്ന പ്രവാസികൾക്ക് ആഹ്ളാദം പകരുന്നതാണ് ആഭ്യന്തരമന്ത്രാലയത്തിന്റെ പുതിയ തീരുമാനം .