മുൻ എം എൽ എ ജോർജ് മെഴ്‌സിയർ അന്തരിച്ചു

തിരുവനന്തപുരം: കോൺഗ്രസ് നേതാവും മുൻ കോവളം എംഎൽഎയുമായിരുന്ന ജോർജ് മെഴ്‌സിയർ അന്തരിച്ചു. സ്വകാര്യ ആശുപത്രിയിൽ വച്ചാണ് അന്ത്യം. ഒരാഴ്ച്ച ആയി തിരുവനന്തപുരത്ത് ചികിൽസയിൽ ആയിരുന്നു.

നിയമസഭയിൽ 2006-11 കാലത്ത് കോവളത്തിന്റെ പ്രതിനിധിയായിരുന്നു. കെ.എസ്.യുവിലൂടെയാണ് രാഷ്ട്രീയ പ്രവർത്തനം ആരംഭിച്ചത്. തിരുവനന്തപുരം ജില്ലാ കോൺഗ്രസ് കമ്മിറ്റി വൈസ് പ്രസിഡന്റ്, കേരളാ സർവകലാശാല അക്കാദമിക് കൗൺസിൽ അംഗം, ജില്ലാ സഹകരണ ബാങ്ക് ഡയറക്ടർ, പ്രസിഡന്റ് തുടങ്ങിയ സ്ഥാനങ്ങൾ വഹിച്ചിട്ടുണ്ട്. അഭിഭാഷകനാണ്.