ഭീകരാക്രമണ ഭീഷണി: യൂറോപ്പിലുടനീളമുള്ള യുണൈറ്റഡ് സ്റ്റേറ്റ്സ് (യുഎസ്) സൈനിക താവളങ്ങൾ ജാഗ്രതയിൽ.
ന്യൂയോർക്ക്: യുഎസ് സൈനികരെയോ സൗകര്യങ്ങളെയോ ലക്ഷ്യം വച്ചേക്കാവുന്ന ഒരു ഭീകരാക്രമണത്തെക്കുറിച്ചുള്ള സൂചനകൾ ലഭിച്ചതിന് പിന്നാലെ യൂറോപ്പിലുടനീളമുള്ള യുണൈറ്റഡ് സ്റ്റേറ്റ്സ് (യുഎസ്) സൈനിക താവളങ്ങൾ ജാഗ്രതയിൽ.സൈനിക താവളങ്ങൾ “ചാർലി” അലേർട്ട് പ്രഖ്യാപിച്ചതായി ഉദ്യോഗസ്ഥരെ ഉദ്ധരിച്ച് സിഎൻഎൻ റിപ്പോർട്ട് ചെയ്തു.
ഒരു സംഭവം നടക്കുമ്പോഴോ അല്ലെങ്കിൽ ഏതെങ്കിലും തരത്തിലുള്ള തീവ്രവാദ പ്രവർത്തനത്തെ സൂചിപ്പിക്കുന്ന ഇൻ്റലിജൻസ് ലഭിക്കുമ്പോഴോ അല്ലെങ്കിൽ ഉദ്യോഗസ്ഥർക്കോ സൗകര്യങ്ങൾക്കോ എതിരെ ടാർഗെറ്റുചെയ്യാനോ സാധ്യതയുണ്ടെങ്കിൽ അത്തരം സാഹചര്യങ്ങളിൽ പുറപ്പെടുവിക്കുന്ന ജാഗ്രത നിർദ്ദേശമാണ് ചാർലി അലേർട്ട്.ഇതാണ് നിലവിൽ പ്രഖ്യാപിച്ചിരിക്കുന്നത്.ഒരു ഭീകരാക്രമണം നടക്കുമ്പോഴോ അല്ലെങ്കിൽ “ആസന്നമായിരിക്കുമ്പോഴോ” ഏറ്റവും ഉയർന്ന നില “ഡെൽറ്റ” അലേർട് പ്രഖ്യാപിക്കും.
അതേസമയം “ചാർലി” ജാഗ്രതാ നിർദേശത്തിന് കാരണമായത് എന്താണെന്ന് വ്യക്തമല്ലെന്ന് റിപ്പോർട്ടിൽ പറയുന്നുണ്ട്. എന്നിരുന്നാലും, ഈ മാസാവസാനം പാരീസ് ഒളിമ്പിക്‌സിനും ജർമ്മനിയിൽ നടന്നുകൊണ്ടിരിക്കുന്ന യൂറോ 2024 നും മുന്നോടിയായി, ഭൂഖണ്ഡത്തിൽ ഒരു ഭീകര ഭീഷണിയെക്കുറിച്ച് യൂറോപ്പിലെ അധികാരികൾ മുന്നറിയിപ്പ് നൽകിയിരുന്നു
