ഗസ്സയില്‍ ആക്രമണം തുടര്‍ന്ന് ഇസ്രായേല്‍ ; അന്താരാഷ്ട്ര നിയമങ്ങളുടെ ലംഘനമെന്ന് യുഎന്‍

തെല്‍ അവിവ്: അഭയാർഥികൾ താമസിച്ച സ്കൂളിനുമേൽ ബോംബിട്ട്​ ആറ്​ യുഎൻ ജീവനക്കാരുൾപ്പെടെ നിരവധി പേരെ കൊലപ്പെടുത്തിയ ഇസ്രായേലിനെതിരെ വ്യാപക പ്രതിഷേധം. അന്താരാഷ്ട്ര നിയമങ്ങളുടെ നഗ്നമായ ലംഘനമാണിതെന്ന്​ യുഎൻ സെക്രട്ടറി ജനറൽ അറിയിച്ചു. സിവിലിയൻ കുരുതി അംഗീകരിക്കാനാവില്ലെന്ന്​ അമേരിക്കയും യൂറോപ്യൻ യൂണിയനും വ്യക്തമാക്കി. ‘യുനർവ’യുടെ ആറ്​ ജീവനക്കാരുൾപ്പെടെ നിരവധി പേരാണ്​ കഴിഞ്ഞ ദിവസം മധ്യഗസ്സയിലെ സ്കൂളിനു നേരെ ഇസ്രായേൽ നടത്തിയ ആക്രമണത്തിൽ കൊല്ലപ്പെട്ടത്​. ഗസ്സയിലെ സേവന പ്രവർത്തനങ്ങളിൽ നിന്ന്​ യു.എന്നിനെ പിന്തിരിപ്പിക്കുകയാണ്​ ഇസ്രായേൽ ആക്രമണ ലക്ഷ്യം.