അ​മേ​രി​ക്ക​യു​ടെ വ്യാ​പാ​ര​രം​ഗ​ത്തെ ഭീ​ഷ​ണി ചെ​റു​ക്കാ​ൻ സു​സ​ജ്ജ​മെ​ന്ന് ചൈ​ന

ബെ​യ്ജി​ങ്: അ​മേ​രി​ക്ക​യു​ടെ വ്യാ​പാ​ര​രം​ഗ​ത്തെ ഭീ​ഷ​ണി ചെ​റു​ക്കാ​ൻ സു​സ​ജ്ജ​മെ​ന്ന് ചൈ​ന. അ​മേ​രി​ക്ക​യു​ടെ ‘ബ്ലാ​ക്മെ​യി​ലി​ങ്ങി’​നെ​തി​രെ പോ​രാ​ടു​മെ​ന്നും ചൈ​ന വ്യ​ക്ത​മാ​ക്കി. ഇ​തോ​ടെ യു.​എ​സ് പ്ര​സി​ഡ​ന്റ് ഡോ​ണ​ൾ​ഡ് ട്രം​പ് തു​ട​ങ്ങി​വെ​ച്ച പ​ക​ര​ച്ചു​ങ്കം ലോ​ക​രാ​ജ്യ​ങ്ങ​ൾ ത​മ്മി​ലു​ള്ള സ​മ്പൂ​ർ​ണ വ്യാ​പാ​ര​യു​ദ്ധ​മാ​യി മാ​റു​മെ​ന്ന് ഏ​താ​ണ്ടു​റ​പ്പാ​യി. ചൈ​ന​ക്കെ​തി​രെ 50 ശ​ത​മാ​നം കൂ​ടി തീ​രു​വ ചു​മ​ത്തു​മെ​ന്ന് ക​ഴി​ഞ്ഞ ദി​വ​സം ട്രം​പ് ഭീ​ഷ​ണി​പ്പെ​ടു​ത്തി​യി​രു​ന്നു. ഇ​ത് പ്ര​യോ​ഗ​ത്തി​ൽ വ​ന്നാ​ൽ, ചൈ​ന​യി​ൽ​നി​ന്ന് യു.​എ​സി​ലേ​ക്കു​ള്ള സാ​ധ​ന​ങ്ങ​ൾ​ക്ക് 104 ശ​ത​മാ​നം നി​കു​തി​യാ​കും.

അ​മേ​രി​ക്ക വ്യാ​പാ​ര​യു​ദ്ധ​ത്തി​നാ​ണ് ത​യാ​റെ​ടു​ക്കു​ന്ന​തെ​ങ്കി​ൽ ത​ങ്ങ​ൾ അ​വ​സാ​നം വ​രെ പോ​രാ​ടാ​ൻ ഒ​രു​ക്ക​മാ​ണെ​ന്ന് ചൈ​ന വി​ദേ​ശ മ​ന്ത്രാ​ല​യ വ​ക്താ​വ് ലി​ൻ ജി​യാ​ൻ പ​റ​ഞ്ഞു. അ​ധി​ക താ​രി​ഫ് അ​മേ​രി​ക്ക​യു​ടെ ഭീ​ഷ​ണി സ്വ​ഭാ​വ​മാ​ണ് വ്യ​ക്ത​മാ​ക്കു​ന്ന​ത്. അ​മേ​രി​ക്ക താ​രി​ഫ് വ​ർ​ധി​പ്പി​ച്ചാ​ൽ ചൈ​ന സ്വ​ന്തം താ​ൽ​പ​ര്യ​ങ്ങ​ൾ സം​ര​ക്ഷി​ക്കാ​നു​ള്ള കാ​ര്യ​ങ്ങ​ൾ ചെ​യ്യും. വ്യാ​പാ​ര​യു​ദ്ധ​ത്തി​ൽ വി​ജ​യി​ക​ളു​ണ്ടാ​കി​ല്ല. ചൈ​ന ഒ​രു പ്ര​ശ്ന​വു​മു​ണ്ടാ​ക്കി​ല്ല. എ​ന്നാ​ൽ, പ്ര​ശ്ന​ത്തി​നെ ഭ​യ​ക്കു​ക​യു​മി​ല്ല. ഭീ​ഷ​ണി​പ്പെ​ടു​ത്തി​യോ സ​മ്മ​ർ​ദം ചെ​ലു​​ത്തി​യോ ഞ​ങ്ങ​ളു​മാ​യി ഇ​ട​പ​ഴ​കാ​ൻ നോ​ക്ക​രു​ത്. ര​ണ്ടു രാ​ജ്യ​ങ്ങ​ളു​ടെ​യും അ​ന്താ​രാ​ഷ്ട്ര സ​മൂ​ഹ​ത്തി​ന്റെ​യും താ​ൽ​പ​ര്യം പ​രി​ഗ​ണി​ക്കാ​തെ അ​മേ​രി​ക്ക താ​രി​ഫ് യു​ദ്ധ​ത്തി​നി​റ​ങ്ങി​യാ​ൽ ചൈ​ന അ​വ​സാ​നം​വ​രെ രം​ഗ​ത്തു​ണ്ടാ​കും. -ലി​ൻ കൂ​ട്ടിച്ചേർത്തു