ഇറാൻ നടത്തുന്ന ആക്രമണങ്ങളെ കടുത്ത ഭാഷയിൽ അപലപിച്ച് കുവൈത്ത്

കുവൈത്ത്​ സിറ്റി: തുടർച്ചയായി ഇറാൻ നടത്തുന്ന ആക്രമണങ്ങളെ കടുത്ത ഭാഷയിൽ അപലപിച്ച്​ കുവൈത്ത്​. ബുധൻ, വ്യാഴം ദിവസങ്ങളിൽ അടക്കം നടത്തിയ ആക്രമണങ്ങളിലാണ്​ കുവൈത്ത്​ വിദേശകാര്യ മ​ന്ത്രാലയം പ്രതിഷേധിച്ചത്​. ഇറാൻ നടത്തുന്ന തുടർച്ചയായ ആക്രമണങ്ങൾ കുവൈത്തിന്‍റെ പരമാധികാരത്തിനുമേലുള്ള ഗുരുതര ലംഘനമാണ്​. രാജ്യ സുരക്ഷ, സ്ഥിരത, പൗരന്മാരുടെയും താമസക്കാരുടെയും സുരക്ഷ എന്നിവക്കുള്ള നേരിട്ടുള്ള ഭീഷണിയാണെന്നും വാർത്താകുറിപ്പിൽ ചൂണ്ടിക്കാട്ടി.