TOP NEWS| ഉപരിപഠനത്തിന് യോഗ്യത നേടാതെ 1801 കുട്ടികള്‍; വിയോജിച്ച് അധ്യാപകരും
Related Posts
എസ്.എസ്.എല്‍.സി പരീക്ഷക്ക് തോറ്റുപോയത് 1801 കുട്ടികള്‍. 99.47 ശതമാനം പേരെ ജയിപ്പിച്ചപ്പോള്‍ ഇവരെ മാത്രം പരാജയപ്പെടുത്തിയതെന്തിനെന്ന ചോദ്യമാണ് ഉയരുന്നത്. എല്ലാകുട്ടികളെയും ജയിപ്പിക്കണമെന്ന ആവശ്യം മുന്നോട്ടു വെക്കുന്നതില്‍ അധ്യാപകരും ഉള്‍പ്പെടുന്നു.
4,21,887 കുട്ടികളാണ് എസ്.എസ്.എല്‍.സി പരീക്ഷ എഴുതിയത്. 4,19,651 പേര്‍വിജയിക്കുകയും , 1,21,318 പേര്‍ക്ക് എല്ലാവിഷയത്തിലും എ പ്്ളസ് നേടുകയും ചെയ്തത് വിദ്യാഭ്യാസ വകുപ്പിന്‍റ തിളക്കമാര്‍ന്ന നേട്ടമായാണ് ആഘോഷിക്കപ്പെടുന്നത്. ഈ നേട്ടത്തിലും സങ്കടത്തില്‍പെട്ടുപോയ കുറച്ചുകുട്ടികള്‍ ഉണ്ട്. 435 പേര്‍ക്ക് എല്ലാ പേപ്പറും എഴുതാനായില്ല. ഇവരെ മാറ്റി നിറുത്തിയാല്‍ 1801 പേരാണ് ഉപരിപഠനത്തിന് യോഗ്യത നേടാനാകാത്തവരായുള്ളത്. അതായത് തോറ്റുപോയത്. ഇവരെക്കൂടി ജയിപ്പിക്കാമായിരുന്നില്ലേ എന്ന ചോദ്യമാണ് ഉയരുന്നത്.
