യു.എ.ഇയിലെ പൗരന്മാരുടെയും താമസക്കാരുടെയും ഐഡന്‍റിറ്റി കാര്‍ഡായ എമിറേറ്റ്സ് ഐഡിയുടെ ഏറ്റവും പുതിയ പതിപ്പ് പൊതുജനങ്ങള്‍ക്കായി പുറത്തിറക്കി.
ദുബൈ: യു.എ.ഇയിലെ പൗരന്മാരുടെയും താമസക്കാരുടെയും ഐഡന്‍റിറ്റി കാര്‍ഡായ എമിറേറ്റ്സ് ഐഡിയുടെ ഏറ്റവും പുതിയ പതിപ്പ് പൊതുജനങ്ങള്‍ക്കായി പുറത്തിറക്കി.
കാര്‍ഡിെന്‍റ പുതിയ സവിശേഷതകള്‍ വ്യക്തമാക്കിയാണ് സമൂഹമാധ്യമങ്ങളിലൂടെ ഇതിെന്‍റ രൂപം ഫെഡറല്‍ അതോറിറ്റി ഫോര്‍ ഐഡന്‍റിറ്റി ആന്‍ഡ് സിറ്റിസണ്‍ഷിപ് (ഐ.സി.എ) പുറത്തുവിട്ടത്. ‘പുതുതലമുറ’ കാര്‍ഡില്‍ ഡേറ്റയുടെ മെച്ചപ്പെട്ട സുരക്ഷ വാഗ്ദാനം ചെയ്യുന്നു. 10 വര്‍ഷത്തില്‍ കൂടുതല്‍ കാലം ഇത് നിലനില്‍ക്കുകയും ചെയ്യും. കാര്‍ഡ് ഉടമയുടെ ജനനത്തീയതി കാണിക്കാന്‍ ലേസര്‍ പ്രിന്‍റിങ് സാങ്കേതികവിദ്യ ഉപയോഗിച്ച ത്രീഡി ചിത്രം ഇതില്‍ ഉള്‍പ്പെടും. നൂതന സാങ്കേതികവിദ്യ ഉപയോഗിച്ച കാര്‍ഡിലെ ചിപ്പിന് നോണ്‍-ടച്ച്‌ േഡറ്റ റീഡിങ് സവിശേഷതയുണ്ട്. കാര്‍ഡ് ഉടമയുടെ പ്രഫഷനല്‍ വിവരങ്ങള്‍, ജനസംഖ്യ ഗ്രൂപ് എന്നിവയും ഇതില്‍ ഉള്‍പ്പെടും.
എന്നാല്‍, എപ്പോള്‍ മുതലാണ് പുതിയ കാര്‍ഡ് ലഭ്യമായിത്തുടങ്ങുകയെന്ന് അധികൃതര്‍ വ്യക്തമാക്കിയിട്ടില്ല. ഐഡന്‍റിറ്റി കാര്‍ഡും പാസ്‌പോര്‍ട്ടും നവീകരിക്കുന്ന പദ്ധതിയുടെ ഭാഗമായാണ് പുതുക്കിയ കാര്‍ഡ് പുറത്തിറക്കുന്നത്.
