അണക്കെട്ടുകളില്‍ ജലനിരപ്പ് 70 ശതമാനം പിന്നിട്ടു; വൈദ്യുതി ഉല്‍പാദനം വര്‍ധിപ്പിച്ചു
മൂലമറ്റം: സംസ്ഥാനത്ത് വൈദ്യുതി ബോര്‍ഡിെന്‍റ അണക്കെട്ടുകളില്‍ ജലനിരപ്പ് 70 ശതമാനം പിന്നിട്ടു. തിങ്കളാഴ്ച രാവിലത്തെ കണക്കനുസരിച്ച്‌ ഇവയില്‍ സംഭരണശേഷിയുടെ 70.49 ശതമാനം വെള്ളമുണ്ട്. നീരൊഴുക്ക് ശക്തമായി തുടരുന്നതാണ് ജലനിരപ്പ് ഉയരാന്‍ കാരണം. 67.08 ദശലക്ഷം യൂനിറ്റ് വൈദ്യുതി ഉല്‍പാദിപ്പിക്കാനുള്ള വെള്ളമാണ് 24 മണിക്കൂറിനിടെ അണക്കെട്ടുകളില്‍ ഒഴുകിയെത്തിയത്‌. 4140.252 ദശലക്ഷം യൂനിറ്റ് വൈദ്യുതിക്കുള്ള വെള്ളമാണ് പൂര്‍ണ സംഭരണശേഷി. 70.49 ശതമാനം വെള്ളം ഉപയോഗിച്ച്‌ 2918.63 ദശലക്ഷം യൂനിറ്റ് ഉല്‍പാദിപ്പിക്കാനാകും.
