വിലകൂട്ടി എയർടെൽ; കൂട്ടാനൊരുങ്ങി മറ്റു കമ്പനികൾ

ഇന്ധനവിലക്കയറ്റം, ബസ് ചാർജ് വർധന, വൈദ്യുതി ചാർജ് വർധന, അവശ്യസാധനങ്ങളുടെ വിലക്കയറ്റം ഇങ്ങനെ എല്ലാരീതിയിലും ബുദ്ധിമുട്ടിലായിരിക്കുമ്പോൾ വീണ്ടും ഇരുട്ടടിയായി സ്വകാര്യ മൊബൈൽ കമ്പനികൾ നിരക്ക് വർധിപ്പിക്കുന്നു.

ഭാരതി ഗ്രൂപ്പിന്റെ ഉടമസ്ഥതയിലുള്ള എയർടെല്ലാണ് ഇപ്പോൾ നിരക്ക് വർധന പ്രഖ്യാപിച്ചിരിക്കുന്നത്. 20 മുതൽ 25 ശതമാനം വരെയാണ് എയർടെൽ നിരക്ക് വർധിപ്പിക്കുന്നത്. പ്രീപെയ്ഡ് നിരക്ക് വർധനയാണ് കമ്പനി ഇപ്പോൾ പ്രഖ്യാപിച്ചിരിക്കുന്നത്. നവംബർ 26 മുതലാണ് നിരക്ക് വർധന പ്രാബല്യത്തിൽ വരുക.