ദക്ഷിണ കൊറിയൻ ഏകാധിപതി ചുൻ അന്തരിച്ചു
സോൾ ∙ ജനാധിപത്യ പ്രക്ഷോഭത്തെ ചോരയിൽ മുക്കിക്കൊന്നതിന്റെ പേരിൽ ശിക്ഷിക്കപ്പെട്ട ദക്ഷിണ കൊറിയൻ മുൻ പ്രസിഡന്റ് ചുൻ ഡു ഹ്വാൻ (90) അന്തരിച്ചു. വീട്ടിലായിരുന്നു അന്ത്യം. സൈനിക മേധാവിയായിരുന്ന ചുൻ 1979ൽ സർക്കാരിനെ അട്ടിമറിച്ചാണ് പ്രസിഡന്റായത്. ഏകാധിപത്യ ഭരണത്തിനെതിരെ 1980ൽ ഗ്വൻഗ് ജു മേഖലയിൽ നടന്ന വിദ്യാർഥി പ്രക്ഷോഭത്തെ ചുൻ സൈന്യത്തെ ഉപയോഗിച്ചു നേരിട്ടപ്പോൾ 200 പേർ കൊല്ലപ്പെട്ടു. പ്രതിപക്ഷ നേതാവ് കിം ഡായ് ജുങ്ങിനെ അറസ്റ്റ് ചെയ്യുകയും വധശിക്ഷ വിധിക്കുകയും ചെയ്തു. എന്നാൽ അമേരിക്ക ഇടപെട്ടതോടെ പിന്തിരിയേണ്ടിവന്നു.
