മാസ്‌കില്ലാതെ കോളജ് ഡേ ആഘോഷം; തെലുങ്കാനയിൽ 43 മെഡിക്കൽ വിദ്യാർഥികൾക്ക് കൊവിഡ്

രാജ്യത്ത് ഒമിക്രോൺ ഭീതി നിലനിൽക്കുന്ന സാഹചര്യത്തിലും മാസ്‌ക് പോലും ധരിക്കാതെ വാർഷികാഘോഷം നടത്തിയ 43 മെഡിക്കൽ വിദ്യാർഥികൾക്ക് കൊവിഡ്. തെലുങ്കാനയിലെ കരിംനഗർ ജില്ലയിലെ ബൊമ്മക്കലിലുള്ള ചൽമേദ ആനന്ദ് റാവു ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിലെ വിദ്യാർത്ഥികൾക്കാണ് രോഗം സ്ഥിരീകരിച്ചത്. ഒരാഴ്ച മുമ്പാണ് കോളജിൽ വാർഷികാഘോഷം നടത്തിയത്. രോഗം പടർന്നതോടെ ക്ലാസുകൾ താൽക്കാലികമായി നിർത്തിവെക്കാനും കാമ്പസ് അടച്ചിടാനും കോളജ് അധികൃതർ തീരുമാനിച്ചു.