കുട്ടികൾക്ക് കോവിഡ് കുത്തിവെപ്പ്: രജിസ്‌ട്രേഷൻ ഒന്നുമുതൽ

ന്യൂഡൽഹി:15-നും 18-നും ഇടയിൽ പ്രായക്കാരായ കുട്ടികളുടെ കോവിഡ് കുത്തിവെപ്പിനുള്ള ഓൺലൈൻ രജിസ്ട്രേഷൻ ജനുവരി ഒന്നിന് ആരംഭിക്കും. ഭാരത് ബയോടെക്കിന്റെ കോവാക്സിനാകും നൽകുക. ഇതിനായി കോവിൻ ആപ്പിലാണ് രജിസ്റ്റർചെയ്യേണ്ടതെന്ന് കേന്ദ്രആരോഗ്യമന്ത്രാലയം അറിയിച്ചു. കുട്ടികളുടെ തിരിച്ചറിയൽരേഖയായി സ്കൂൾ ഐ.ഡി. കാർഡും പരിഗണിക്കും.