പേര് വെളിപ്പെടുത്താത്തയാൾ പിഴയടച്ചു; ഒമാനിൽ നിന്ന് ജയിൽമോചിതരായത് 61പേർ

ഒമാനിൽ പേരു വെളിപ്പെടുത്താൻ ആഗ്രഹിക്കാത്തയാളുടെ കാരുണ്യത്തിൽ ഈ വർഷം ജയിലിൽ നിന്നിറങ്ങിയത് 61 കുറ്റവാളികൾ. ദാഹിറ ഗവർണറേറ്റ് കോടതിക്ക് മുന്നിലെത്തിയ കേസിൽ പ്രതികളായിരുന്നവർക്കാണ് അപ്രതീക്ഷിതമായി മോചനം ലഭിച്ചത്. തുടർച്ചയായി ആറാം തവണയാണ് പേരു വെളിപ്പെടുത്താൻ ആഗ്രഹിക്കാത്ത വ്യക്തി ജയിലിൽ കഴിയുന്നവരുടെ പിഴത്തുക അടച്ചുതീർത്ത് ഇവരെ മോചിതരാക്കുന്നത്.