വെസ്റ്റേൺ ഓസ്ട്രേലിയയിലെ തൊഴിൽവിസ വ്യവസ്ഥകളിൽ ഇളവ്; കുടിയേറ്റം എളുപ്പമാക്കും

സംസ്ഥാന സർക്കാരിന്റെ സ്പോൺസർഷിപ്പിനുള്ള തൊഴിൽപട്ടിക വിപുലപ്പെടുത്തിയതാണ് ഇതിൽ ഏറ്റവും പ്രധാന മാറ്റം.

ആരോഗ്യമേഖലയിലെ 46 തൊഴിലുകൾ ഉൾപ്പെടെ, നൂറിലേറെ പുതിയ തൊഴിൽരംഗങ്ങളെയാണ് ഇതിലേക്ക് ഉൾപ്പെടുത്തിയത്. സ്കിൽഡ് നോമിനേറ്റഡ് വിസ (സബ്ക്ലാസ് 190), സ്കിൽഡ് വർക്ക് റീജിയണൽ (പ്രൊവിഷണൽ) വിസ (സബ്ക്ലാസ് 491) എന്നിവയിലൂടെ സംസ്ഥാനത്തേക്ക് കുടിയേറുന്നതിനാണ് ഈ പട്ടികകൾ ഉപയോഗിക്കാൻ കഴിയുക. IT മേഖലയിലും, എഞ്ചിനീയറിംഗ് മേഖലയിലും നിരവധി പുതിയ തൊഴിൽരംഗങ്ങൾ പട്ടികയിൽ ഉൾപ്പെടുത്തിയിട്ടുണ്ട്.

• സംസ്ഥാന നോമിനേഷന് അപേക്ഷിക്കുന്നതിനുള്ള 200 ഡോളർ ഫീസ് താൽക്കാലികമായി ഒഴിവാക്കും
• ഒരു വർഷത്തെ തൊഴിൽ കരാർ ലഭിച്ചിരിക്കണം എന്ന വ്യവസ്ഥയിൽ ഇളവ്. ആറു മാസത്തെ തൊഴിൽ കരാർ ഉള്ളവർക്ക് അപേക്ഷിക്കാം
• അപേക്ഷകർ ബാങ്ക് അക്കൗണ്ട് ബാലൻസ് വ്യവസ്ഥയിലും മാറ്റം. 20,000 ഡോളർ നീക്കിയിരിപ്പുണ്ട് എന്ന് ഇനി തെളിയിക്കേണ്ടതില്ല. മൂന്നു മാസത്തേക്ക് ഇവിടെ ജീവിക്കാനുള്ള ഫണ്ട് ഉണ്ട് എന്നതു മാത്രം കാണിച്ചാൽ മതി.
• മാനേജർമാർക്കും മറ്റു പ്രൊഫഷണൽ രംഗത്തുള്ളവർക്കും ഇംഗ്ലീഷ് ഭാഷാ മാനദണ്ഡത്തിലും ഇളവ് നൽകും.
• തൊഴിൽ പരിചയ വ്യവസ്ഥകളും ഒരു വർഷത്തേക്ക് ഇളവ് ചെയ്യും.