യു.എ.ഇയിൽ വിദേശ നിക്ഷേപകർക്ക് സ്പോൺസറില്ലാ വീസ
അബുദാബി : യുഎഇയിൽ ബിസിനസ് ചെയ്യാൻ ആഗ്രഹിക്കുന്ന വിദേശ നിക്ഷേപകർക്ക് 4 മാസത്തെ (120 ദിവസം) വിസിറ്റ് വീസ നൽകുന്നു. യുഎഇ ഡിജിറ്റൽ ഗവൺമെന്റ് നൽകുന്ന ഈ വീസയ്ക്ക് സ്പോൺസർ ആവശ്യമില്ല. യുഎഇയിലെ ബിസിനസ്, നിക്ഷേപ അവസരങ്ങൾ പ്രയോജനപ്പെടുത്താൻ നിക്ഷേപകരെയും സംരംഭകരെയും പ്രോത്സാഹിപ്പിക്കുകയാണ് ലക്ഷ്യം. ഓൺലൈൻ വഴി വീസയ്ക്ക് അപേക്ഷിക്കാം. 60, 90, 120 ദിവസ കാലാവധിയുള്ള സിംഗിൾ-എൻട്രി വീസയാണ് ലഭിക്കുക. സാമ്പത്തിക ഭദ്രതയും പ്രഫഷനൽ ബിരുദവും ഉള്ളവർക്കാണ് അവസരം.
