‘സ്വയം മാഞ്ഞുപോകുന്ന ചിത്രങ്ങള്‍’; പുതിയ കിടിലന്‍ ഫീച്ചറുമായി വാട്സ്ആപ്പ്
പുതിയ സ്വകാര്യതാ നയ പരിഷ്കാരവുമായി മുന്നോട്ട് പോകുമെന്ന നിലപാട് തുടരുന്ന വാട്സ്ആപ്പ്, യൂസര്‍മാരെ പിടിച്ചുനിര്‍ത്താനായി പുതിയ സുരക്ഷാ ഫീച്ചറുകളുമായി എത്തുകയാണ്. സമീപ കാലത്തായിരുന്നു ഒരു അപ്ഡേറ്റിലൂടെ വാട്സ്ആപ്പില്‍ സ്വയം നശിച്ചുപോകുന്ന സന്ദേശങ്ങള്‍ ഉള്‍പ്പെടുത്തിയത്. അതിലൂടെ ഗ്രൂപ്പുകളിലും സ്വകാര്യ ചാറ്റുകളിലും സന്ദേശങ്ങള്‍ക്ക് സെല്‍ഫ്-ഡിസ്ട്രക്ടിങ് സംവിധാനം ഉപയോഗിക്കാന്‍ യൂസര്‍മാര്‍ക്ക് സാധിക്കുമായിരുന്നു.
എന്നാല്‍, വാട്സ്ആപ്പ് വൈകാതെ തന്നെ ഫോട്ടോകള്‍ക്കും അതേ ഫീച്ചര്‍ നല്‍കാന്‍ പോവുകയാണ്. WABetaInfo പുറത്തുവിട്ട റിപ്പോര്‍ട്ടില്‍ ‘സെല്‍ഫ്-ഡിസ്ട്രക്ടിങ് ഫോട്ടോസ്’ ഫീച്ചര്‍ നിലവില്‍ കമ്ബനി പരീക്ഷിച്ചുകൊണ്ടിരിക്കുകയാണ്. അതിന്‍റെ സ്ക്രീന്‍ഷോട്ടും അവര്‍ പങ്കുവെച്ചിട്ടുണ്ട്.
സ്വയം മാഞ്ഞുപോകുന്ന സന്ദേശങ്ങള്‍ പോലെ തന്നെയായിരിക്കും അതും പ്രവര്‍ത്തിക്കുക. യൂസര്‍മാര്‍ക്ക് ഒരു ടൈമര്‍ വെച്ചുകൊണ്ട് ഫോട്ടോകള്‍ അയക്കാന്‍ കഴിയും. ആ സമയം കഴിയുന്നതോടെ അവ താനെ ചാറ്റ് വിന്‍ഡോയില്‍ നിന്ന് അപ്രത്യക്ഷമാകും. മാത്രമല്ല, അങ്ങനെ അയക്കുന്ന ചിത്രങ്ങള്‍ കോപി ചെയ്യാനോ, സേവ് ചെയ്യാനോ സാധിക്കില്ല. എന്നാല്‍, മാഞ്ഞുപോകുന്നതിന് മുമ്ബ് അതിന്‍റെ സ്ക്രീന്‍ഷോട്ട് എടുത്തുവെക്കാവുന്നതാണ്.
ആര്‍ക്കെങ്കിലും ചിത്രങ്ങള്‍ അയക്കുന്നതിന് മുമ്ബ് സെല്‍ഫ്-ഡിസ്ട്രക്ട് ഫീച്ചര്‍ എനബ്ള്‍ ചെയ്യുകയാണെങ്കില്‍ “This media will disappear, once you leave this chat.” എന്ന ഒരു സന്ദേശം വാട്സ്ആപ്പ് കാണിച്ചുതരും. പുതിയ ഫീച്ചറുമായി ബന്ധപ്പെട്ട കൂടുതല്‍ വിവരങ്ങള്‍ വരും ദിവസങ്ങളില്‍ കമ്ബനി പുറത്തുവിേട്ടക്കും. ഈയടുത്ത് തന്നെ ആന്‍ഡ്രോയ്ഡ്-ഐ.ഒ.എസ് പ്ലാറ്റ്ഫോമുകളില്‍ പുതിയ ഫീച്ചറെത്തുമെന്നും WABetaInfo അറിയിച്ചിട്ടുണ്ട്.
