കമലയുടെ വസതിയ്ക്ക് സമീപം ആയുധധാരി: അറസ്റ്റ് ചെയ്ത് പൊലീസ്
വാഷിംഗ്ടണ്‍: അമേരിക്കന്‍ വൈസ് പ്രസിഡന്റ് കമല ഹാരിസിന്റെ ഔദ്യോഗിക വസതിക്ക് സമീപത്തുനിന്ന് ആയുധധാരിയെ പിടികൂടി. ടെക്സാസ് സ്വദേശിയായ പോള്‍ മുറെയെയാണ് പൊലീസ് പിടിയിലായത്.വൈസ് പ്രസിഡന്റിന്റെ ഔദ്യോഗിക വസതിയായ നേവല്‍ ഒബ്സര്‍വേറ്ററിക്ക് സമീപം പാര്‍ക്ക് ചെയ്തിരുന്ന ഇയാളുടെ വാഹനത്തില്‍നിന്ന് തോക്കും വെടിയുണ്ടകളും വാഷിംഗ്ടണ്‍ പൊലീസ് കണ്ടെടുത്തു. രഹസ്യവിവരത്തിന്റെ അടിസ്ഥാനത്തില്‍ നടത്തിയ പരിശോധനക്കിടെയാണ് ഇയാള്‍ പിടിയിലാകുന്നത്. അപകടകരമായ ആയുധങ്ങളും തോക്കും കൈവശം വച്ചതിനും പോളിനെതിരെ കേസ് ചുമത്തിയിട്ടുണ്ട്.
