മെഡിക്കൽ വിദ്യാഭ്യാസ രംഗത്ത് എഐ സാങ്കേതിക വിദ്യ അവതരിപ്പിച്ച് ദുബായ് മെഡിക്കൽ യൂണിവേഴ്സിറ്റി

മെഡിക്കൽ വിദ്യാഭ്യാസ രംഗത്ത് എഐ സാങ്കേതിക വിദ്യ അവതരിപ്പിച്ചിരിക്കുകയാണ് ദുബായ് മെഡിക്കൽ യൂണിവേഴ്സിറ്റി. വൈദ്യശാസ്ത്രത്തിലും ഔഷധസസ്യ പഠനത്തിലും വൈദഗ്ധ്യമുള്ള ലോകത്തിലെ ആദ്യത്തെ എഐ ഡോക്ടറടക്കം നിരവധി സംവിധാനങ്ങളാണ് യൂണിവേഴ്സിറ്റി വിദ്യാർഥികൾക്കായി ഒരുക്കിയിരിക്കുന്നത്.

ഫാർമസി, മെഡിസിൻ, നഴ്സിങ്ങ് വിദ്യാർഥികൾക്കായി രോഗനിർണയം, ചികിത്സാപരമായ തീരുമാനങ്ങൾ, ഔഷധസസ്യങ്ങളെക്കുറിച്ചുള്ള ഗവേഷണം എന്നിവക്കായി ക്ലാസ് മുറികളിൽ എഐ സാങ്കേതിക വിദ്യയുടെ സഹായത്തോടെയുള്ള അത്യാധുനിക സംവിധാനങ്ങളാണ് യുണിവേഴ്സിറ്റി ഒരുക്കിയിരിക്കുന്നത്. എഐ ഡോക്ടർമാർ, എഐ ഗ്രീൻഹൗസ്, വെർച്വൽ പേഷ്യൻ്റ് സിമുലേഷൻ എന്നിങ്ങിനെ നീളുന്നു എഐ സംവിധാനങ്ങൾ.