സൗദിയുടെ കിഴക്കൻ മേഖലയിൽ മിസൈലാക്രമണം

മനാമ: സൗദി അറേബ്യയുടെ കിഴക്കൻ മേഖലയെ ലക്ഷ്യമാക്കി യമനിലെ ഹൂതി സായുധ സംഘം നടത്തിയ ബാലിസ്റ്റിക് മിസൈൽ ആക്രമണം വ്യോമപ്രതിരോധ സേന തകർത്തു. മിസൈൽ അവശിഷ-്‌ടങ്ങൾ പതിച്ച് ആർക്കും പരിക്കേറ്റിട്ടില്ലെന്ന്‌ സൗദി സഖ്യസേന വക്താവ് തുർക്കി അൽ മാലികി അറിയിച്ചു. സുരക്ഷാ ജാഗ്രത പ്രഖ്യാപിച്ചതിനെ തുടർന്ന് കിഴക്കൻ പ്രവിശ്യയിലും നജ്‌റാനിലും സിവിൽ ഡിഫൻസ് നിർദേശങ്ങൾ നൽകിയിരുന്നു.

ഹോർമുസ് കടലിടുക്കിന്റെ തെക്കൻ പാതയിലൂടെ സഞ്ചരിച്ച മൂന്ന് എണ്ണക്കപ്പലുകൾ മൈനുകളിൽ തട്ടി സ്‌ഫോടനമുണ്ടായതിനെ തുടർന്ന് തീപിടിച്ചതായി ഐആർജിസിയെ ഉദ്ധരിച്ച് മാധ്യമങ്ങൾ റിപ്പോർട്ട് ചെയ-്‌തു. മുന്നറിയിപ്പുകൾ അവഗണിച്ച് നാവിഗേഷൻ, റഡാർ സംവിധാനങ്ങൾ ഓഫാക്കി സഞ്ചരിച്ചതിനെ തുടർന്നാണ് അപകടമെന്നും ഇറാൻ വൃത്തങ്ങൾ വ്യക്തമാക്കുന്നു.