പാന്‍ കാര്‍ഡും ആധാര്‍ കാര്‍ഡും തമ്മില്‍ ബന്ധിപ്പിച്ചിട്ടില്ലെങ്കില്‍ സേവനങ്ങള്‍ തടസപ്പെടുമെന്ന മുന്നറിയിപ്പുമായി എസ്.ബി.ഐ.
ന്യൂഡല്‍ഹി: പാന്‍ കാര്‍ഡും ആധാര്‍ കാര്‍ഡും തമ്മില്‍ ബന്ധിപ്പിച്ചിട്ടില്ലെങ്കില്‍ സേവനങ്ങള്‍ തടസപ്പെടുമെന്ന മുന്നറിയിപ്പുമായി എസ്.ബി.ഐ. ജൂണ്‍ 30നകം ഇരു കാര്‍ഡുകളും ബന്ധിപ്പിക്കണമെന്നാണ് എസ്.ബി.ഐ അറിയിച്ചിരിക്കുന്നത്. അല്ലെങ്കില്‍ ബാങ്കിങ് സേവനങ്ങളില്‍ തടസം നേരിട്ടേക്കാം.
നേരത്തെ മാര്‍ച്ച്‌ 30നകം പാന്‍- ആധാര്‍ കാര്‍ഡുകള്‍ തമ്മില്‍ ബന്ധിപ്പിക്കണമെന്നായിരുന്നു ആദായനികുതി വകുപ്പ് അറിയിച്ചത്. എന്നാല്‍, പിന്നീട് തീയതി നീട്ടി നല്‍കുകയായിരുന്നു. ഈ കാലാവധി ജൂണ്‍ 30ന് അവസാനിക്കാനിരിക്കെയാണ് രാജ്യത്തെ ഏറ്റവും വലിയ പൊതുമേഖല ബാങ്കായ എസ്.ബി.ഐ ഇക്കാര്യത്തില്‍ നിലപാട് വ്യക്തമാക്കിയിരിക്കുന്നത്.
www.incometaxindiaefilling.gov.in എന്ന വെബ്സൈറ്റിലൂടെയാണ് പാന്‍കാര്‍ഡും ആധാര്‍കാര്‍ഡും തമ്മില്‍ ബന്ധിപ്പിക്കേണ്ടത്. സൈറ്റിലെ ലിങ്ക് ആധാര്‍ എന്ന ഓപ്ഷനില്‍ ക്ലിക്ക് ചെയ്ത് പാന്‍കാര്‍ഡ് നമ്ബറും ആധാര്‍ നമ്ബറും നല്‍കിയാല്‍ ഇരു കാര്‍ഡുകളും തമ്മില്‍ ബന്ധിപ്പിക്കാം.
