TOP NEWS| കാലിക്കറ്റ് സർവ്വകലാശാലയിൽ ഇന്റഗ്രേറ്റഡ് പിജി കോഴ്സുകൾ; പ്ലസ് ടൂ പാസായവർക്ക് അപേക്ഷിക്കാം
Related Posts
കോഴിക്കോട്: ഗവേഷണ നിലവാരത്തിലുള്ള ഉന്നതപഠനം ആഗ്രഹിക്കുന്നവര്‍ക്കായി ഇന്റഗ്രേറ്റഡ് പി.ജി. കോഴ്‌സുകള്‍ ഒരുക്കി കാലിക്കറ്റ് സര്‍വകലാശാല. എം.എസ്സി. പ്രോഗ്രാമുകളായ ബയോ സയന്‍സ്, കെമിസ്ട്രി, ഫിസിക്‌സ്, എം.എ. ഡെവലപ്‌മെന്റ് സ്റ്റഡീസ് എന്നിങ്ങനെ നാല് വിഷയങ്ങളിലാണ് ഈ വര്‍ഷം മുതല്‍ സര്‍വകലാശാല കോഴ്‌സുകള്‍ ആരംഭിക്കുന്നത്.
ബയോസയന്‍സ് കോഴ്‌സില്‍ 20 സീറ്റും കെമിസ്ട്രി, ഫിസിക്‌സ് കോഴ്‌സുകളില്‍ 15 സീറ്റും ഡെവലപ്‌മെന്റ് സ്റ്റഡീസില്‍ 30 സീറ്റുകളുമാണ് ഒഴിവുള്ളത്. ബയോസയന്‍സ് കോഴ്‌സിന്റെ അവസാന വര്‍ഷം വിദ്യാര്‍ഥികള്‍ക്ക് വിവിധ ഗവേഷണ സ്ഥാപനങ്ങളില്‍ ഗവേഷണത്തിന് അവസരമുണ്ടാകും. സര്‍വകലാശാലാ പഠനവകുപ്പിലെ സ്ഥിരം അധ്യാപകര്‍ക്ക് പുറമെ ആവശ്യമായ മറ്റു ഫാക്കല്‍റ്റികളെക്കൂടി നിയോഗിക്കും.
