ഭാരത്​ ബന്ദ്​: സിംഘു അതിർത്തിയിൽ പ്രതിഷേധത്തിനിടെ കർഷകൻ മരിച്ചു

ന്യൂഡൽഹി: ഹരിയാനയിലെ സിംഘു അതിർത്തിയിൽ പ്രതിഷേധത്തിനിടെ കർഷകൻ മരിച്ചു. ഹൃദയാഘാതമാണ്​ മരണ കാരണമെന്ന്​ പൊലീസ്​ പറഞ്ഞു​. പോസ്റ്റ്​മോർട്ടത്തിന്​ ശേഷം മാത്രമേ കൂടുതൽ വിവരങ്ങൾ അറിയാൻ സാധിക്കൂവെന്ന്​ പൊലീസ്​ പറഞ്ഞു.

കർഷക സമരത്തിനിടെ ഇതുവരെ 700ലേറെ കർഷകർക്ക്​ ജീവൻ നഷ്​ടപ്പെട്ടതായാണ്​ റിപ്പോർട്ട്​. കേന്ദ്ര സർക്കാറിന്‍റെ പുതിയ കാർഷിക നിയമങ്ങൾക്കെതിരെ കർഷക സംഘടനകൾ ആഹ്വാനം ചെയ്​ത ഭാരത ബന്ദിനെ തുടർന്ന്​ തലസ്​ഥാന നഗരിയിൽ പൊലീസ്​ സുരക്ഷ ശക്​തമാക്കിയിരുന്നു.