TOP NEWS| കനത്ത മഴ; റോഡിലെ കുഴികൾ അടിയന്തരമായി നികത്താൻ നിർദേശം

കനത്ത മഴയെ തുടർന്ന് തിരുവനന്തപുരം ജില്ലയിലെ പ്രധാന റോഡുകളിലെ കുഴികൾ അടിയന്തരമായി നികത്തണമെന്ന് ജില്ലാ വികസന സമിതിയോഗത്തിൽ നിർദേശം. ജില്ലാ കളക്ടറുടെ ചുമതലയുള്ള എ.ഡി.എം ഇ.മുഹമ്മദ് സഫീറിന്റെ അധ്യക്ഷതയിൽ ചേർന്ന ഓൺലൈൻ യോഗത്തിൽ എം.എൽ.എമാരായ ഡി.കെ മുരളി, ജി. സ്‌റ്റീഫൻ , മന്ത്രി ജി.ആർ അനിലിന്റെ പ്രതിനിധി എന്നിവരാണ് ആവശ്യം ഉന്നയിച്ചത്. സ്‌കൂൾ തുറക്കുന്ന സാഹചര്യത്തിൽ പൊൻമുടി ഉൾപ്പെടെയുള്ള മലയോര പ്രദേശങ്ങളിലേക്കുള്ള കെ.എസ്.ആർ.ടി.സി സർവ്വീസുകൾ പുനസ്ഥാപിക്കണമെന്നും നിർദേശമുയർന്നു.