സൗദി യാത്രക്കാർ കബളിപ്പിക്കപ്പെടുന്നു;നിരവധി മലയാളികൾ ദുരിതത്തിൽ

വൻ തുക മുടക്കി സൗദിയിലേക്ക് വരുന്ന യാത്രക്കാർക്ക് ക്വാറന്റൈൻ സൗകര്യം നൽകാതെ കബളിപ്പിക്കുന്നതായി പരാതി. കഴിഞ്ഞ ദിവസങ്ങളിൽ ജിദ്ദയിലെത്തിയ നിരവധി മലയാളികൾ ഹോട്ടൽ ലഭിക്കാതെ പ്രയാസപ്പെട്ടു. ഏജന്റുമാർ കൃത്യമായ രേഖകൾ നൽകാത്തതും കബളിപ്പിക്കുന്നതുമാണ് യാത്രക്കാരെ ദുരിതത്തിലാക്കുന്നത്.സൗദിക്ക് പുറത്ത് നിന്ന് വാക്സിനെടത്തവർക്കും എടുക്കാത്തവർക്കും സൗദിയിലെത്തിയാൽ അഞ്ച് ദിവസം ഇൻസ്റ്റിറ്റിയൂഷണൽ ക്വാറന്റൈനിൽ കഴിയണമെന്നാണ് ചട്ടം. ഇതിനായി 85,000 മുതൽ ഒരു ലക്ഷത്തിലധികം രൂപവരെ നൽകി ക്വാറന്റൈൻ പാക്കേജ് ബുക്ക് ചെയ്തു. ഇങ്ങിനെയെത്തിയവർക്കായിരുന്നു ദുരിതം.