കോവിഡിനെതിരായ പോരാട്ടത്തിലെ നിർണായക സമയമെന്ന് ഖത്തർ ആരോഗ്യമന്ത്രാലയം

ദോഹ: കോവിഡിനെതിരായ പോരാട്ടത്തിലെ നിർണായക സമയമാണ് ഇതെന്ന് ഖത്തർ ആരോഗ്യമന്ത്രാലയം. കോവിഡ് പ്രതിരോധ നടപടികൾ എല്ലാവരും ഉറപ്പാക്കണമെന്നും ബൂസ്റ്റർ ഡോസ് പരമാവധി വേഗത്തിൽ എടുക്കണമെന്നും മന്ത്രാലയം ആവശ്യപ്പെട്ടു. ഇൻഡോർ പരിപാടികളിൽ മാസ്‌ക് നിർബന്ധമായും പാലിക്കണമെന്നും നിർദേശിച്ചു. മാളുകൾ, പള്ളികൾ, സ്‌കൂളുകൾ, ജോലി സ്ഥലം, പൊതുഗതാഗത സംവിധാനം, മജ്‌ലിസുകൾ, വിവാഹം, മരണാനന്തര ചടങ്ങുകൾ തുടങ്ങിയ പരിപാടികളിൽ മാസ്‌ക് നിർബന്ധമാണെന്ന് വ്യക്തമാക്കി.