സൗദിയിൽ ഇന്ന് മൂവായിരത്തിലധികം പേർക്ക് കോവിഡ്

സൗദിയിൽ ഇന്ന് മൂവായിരത്തിലധികം പേർക്ക് കോവിഡ് സ്ഥിരീകരിച്ചു. ഗുരുതരാവസ്ഥയിലുള്ള രോഗികളുടെ എണ്ണവും വർധിച്ചതായി ആരോഗ്യ മന്ത്രാലയം അറിയിച്ചു. കേസുകൾ ഉയർന്നതോടെ മക്കയിൽ ആഭ്യന്തര തീർത്ഥാടകർക്ക് ഉംറ നിർവ്വഹിക്കുന്നതിന് നിയന്ത്രണം ഏർപ്പെടുത്തി. കഴിഞ്ഞ 24 മണിക്കൂറിനിടെ 3,045 പുതിയ കേസുകളും, 424 രോഗമുക്തിയുമാണ് സൗദിയിൽ റിപ്പോർട്ട് ചെയ്തത്. ഇതോടെ ചികിത്സയിലുള്ളവരുടെ എണ്ണം പതിമൂവായിരത്തിനും മുകളിലെത്തി. ഇതിൽ 109 പേർ തീവ്ര പരിചരണ വിഭാഗത്തിലാണ്.