സിൽവർ ലൈൻ പദ്ധതിക്കെതിരെ കോട്ടയത്ത് പ്രതിഷേധം ശക്തം

സിൽവർ ലൈൻ പദ്ധതിക്കെതിരെ കോട്ടയത്ത് പ്രതിഷേധം ശക്തമാവുന്നു. സമര സമിതി പന്തം കൊളുത്തി പ്രതിഷേധിച്ചു. തുടർ പ്രക്ഷോഭങ്ങളെ കുറിച്ച് ചർച്ച ചെയ്യാൻ സമരസമിതി ഇന്ന് യോഗം ചേരും. പദ്ധതിയുമായി സർക്കാർ മുന്നോട്ട് പോകുമെന്ന് ഉറപ്പായതോടെ പ്രതിഷേധം ശക്തമാക്കാനാണ് കെ റെയിൽ വിരുദ്ധ ജനകീയ സമര സമിതിയുടെ തീരുമാനം. ഇതിന്റെ ഭാഗമായിട്ടാണ് കോട്ടയത്ത് പന്തംകൊളുത്തി പ്രതിഷേധം സംഘടിപ്പിച്ചത്.