കുവൈത്തിൽ പ്രതിദിന കോവിഡ് കേസുകൾ രണ്ടായിരം കടന്നു

കുവൈത്തിൽ പ്രതിദിന കോവിഡ് കേസുകൾ രണ്ടായിരം കടന്നു. ചികിത്സയിലുള്ളവരുടെ എണ്ണത്തിലും വർദ്ധനയുണ്ടായി. ഒറ്റയടിക്ക് 2246 പേർക്കാണ് ഇന്ന് രോഗം സ്ഥിരീകരിച്ചത്. ഇതോടെ ആക്ടീവ് കേസുകൾ എണ്ണായിരത്തിനു മുകളിലാണ്. കോവിഡ് വാർഡുകളിൽ 40 പേരും തീവ്ര പരിചരണ വിഭാഗത്തിൽ ഏഴു പേരുമാണ് ചികിത്സയിലുള്ളത്. അത്യാഹിത വിഭാഗത്തിലുണ്ടായിരുന്ന ഒരാളുടെ മരണവും 211 പേരുടെ രോഗമുക്തിയും ഇന്ന് ആരോഗ്യമന്ത്രാലയം സ്ഥിരീകരിച്ചിട്ടുണ്ട്. 20ൽ താഴെ ആയിരുന്ന പ്രതിദിന കേസുകളാണ് പത്തു ദിവസത്തിനിടെ പത്തിരട്ടിയിലേറെ വർധിച്ചത്.