ലൈംഗികതയെയും ലിംഗഭേദത്തെയും കുറിച്ചുള്ള വിശ്വാസങ്ങൾ പങ്കുവെച്ചതിന് ക്രിസ്ത്യൻ വിദ്യാർത്ഥിയെ സസ്പെൻഡ് ചെയ്തതായി കേസ്
ഒരു സമ്മർ ബാൻഡ് ക്യാമ്പിനിടെ എൽജിബിടി വിഷയങ്ങളിൽ തന്റെ മതപരമായ വീക്ഷണങ്ങൾ പങ്കുവെച്ചതിനും അനുചിതമായ തമാശകൾ പറഞ്ഞു ചിരിച്ചതിനും ശിക്ഷിക്കപ്പെട്ടതിന് ശേഷം ഒരു മിഷിഗൺ വിദ്യാർത്ഥി തന്റെ ഹൈസ്‌കൂളിനും ജില്ലയിലെ മറ്റ്‌ സ്കൂളുകൾക്കുമെതിരെ കേസ് ഫൈയൽ ചെയ്തു. പ്ലെയിൻവെൽ കമ്മ്യൂണിറ്റി സ്കൂളുകൾ, പ്ലെയിൻവെൽ ഹൈസ്കൂൾ, സ്കൂൾ ഉദ്യോഗസ്ഥർ എന്നിവർക്കെതിരെ ഹൈസ്കൂൾ ജൂനിയർ ഡേവിഡ് സ്റ്റൗട്ടിന് വേണ്ടി വെസ്റ്റേൺ ഡിസ്ട്രിക്റ്റ് ഓഫ് മിഷിഗനിലെ യുഎസ് ഡിസ്ട്രിക്റ്റ് കോടതിയിൽ കഴിഞ്ഞ ആഴ്ചയാണ്‌ കേസ് ഫയൽ ചെയ്തത്‌.
പീഡന വിരുദ്ധ നയങ്ങൾ ലംഘിച്ചുവെന്ന് പറഞ്ഞ്‌ സ്കൂൾ അധികൃതരുടെ നിഗമനത്തിൽ കഴിഞ്ഞ ഒക്ടോബറിൽ സ്റ്റൗട്ടിനെ മൂന്ന് ദിവസത്തേക്ക് സസ്പെൻഡ് ചെയ്തതായി പരാതിയിൽ പറയുന്നു. ക്ലാസിൽ പങ്കെടുക്കുന്നതിൽ നിന്നും ബാൻഡ്, ഫുട്ബോൾ തുടങ്ങിയ സ്കൂളിന് ശേഷമുള്ള പരിപാടികളിൽ പങ്കെടുക്കുന്നതിൽ നിന്നും തടഞ്ഞുകൊണ്ടാണ്‌ സസ്പെൻഷൻ. സ്കൂൾ ഗ്രൗണ്ടിൽ നടന്നിട്ടില്ലാത്ത, മറ്റൊരു വിദ്യാർത്ഥിയുമായുള്ള ടെക്‌സ്‌റ്റ് മെസേജുകളിൽ രണ്ട് ബയോളജിക്കൽ ലിംഗങ്ങൾ മാത്രമേ ഉള്ളൂവെന്നും സ്വവർഗരതിയോടുള്ള തന്റെ എതിർപ്പും വിശ്വാസവും സ്റ്റൗട്ട് വിശദീകരിച്ചതായി കോടതി രേഖകൾ പറയുന്നു. സ്വവർഗരതി പാപമാണെന്ന് ബൈബിൾ പഠിപ്പിക്കുന്നുണ്ടെന്നും ദൈവം രണ്ട് ജീവശാസ്ത്രപരമായ ലിംഗങ്ങളെ മാത്രമേ സൃഷ്ടിച്ചിട്ടുള്ളൂവെന്നും അദ്ദേഹം പറഞ്ഞതായി ആരോപിക്കപ്പെടുന്നു.
