മലയാളി കന്യാസ്ത്രീ യു.എസില്‍ കാറപകടത്തില്‍ മരിച്ചു

കിളിയന്തറ: യുഎസിലെ കനക്ടിക്കട്ടില്‍ നടന്ന വാഹനാപകടത്തില്‍ (accident) മലയാളി കന്യാസ്ത്രീ മരിച്ചു (Nun died). കൂടെയുണ്ടായിരുന്ന 2 കന്യാസ്ത്രീകള്‍ക്കു പരിക്കേറ്റു. ദിവ്യകാരുണ്യ ആരാധനാ സന്യാസിനീ സമൂഹത്തിലെ സെന്റ് ജോസഫ്‌സ് അഡോറേഷന്‍ പ്രൊവിന്‍സ് അംഗം കാസര്‍കോട് ബദിയടുക്ക സ്വദേശിനി സിസ്റ്റര്‍ അനില പുത്തന്‍തറ (40) ആണ് മരിച്ചത്. കാറില്‍ കൂടെയുണ്ടായിരുന്ന സിസ്റ്റര്‍ ബ്രജിറ്റ് പുലക്കുടിയില്‍, സിസ്റ്റര്‍ ലയോണ്‍സ് മണിമല എന്നിവര്‍ സാരമായ പരിക്കുകളോടെ രക്ഷപ്പെട്ടു. യുഎസിലെ സെന്റ് ജോസഫ്‌സ് ലിവില്‍ നഴ്‌സിങ് ഹോമില്‍ ഇവര്‍ സേവനമനുഷ്ഠിച്ചിരുന്നത്. ജോലി സ്ഥലത്തേക്കുള്ള യാത്രാമധ്യേ തിങ്കളാഴ്ച രാവിലെ (ഇന്ത്യന്‍ സമയം 9.30) ആണ് അപകടം ഉണ്ടായത്.